LlGC Llsgr. Peniarth 38 – tudalen 20v
Llyfr Blegywryd
20v
vyd etifed priodaỽr ar datanhud cỽbyl. a|r
llall ny byd. kanyt priot datanhud y neb na+
myn y|r braỽt hynaf o|r brodyr oll. breint o+
et y braỽt hynaf a|ỽna y brodyr ieuhaf oll
yn amhriodoryon ar datanhud cỽbyl. O|r d+
aỽ y|rei ieuhaf kyn no|r kyntaf y gaffel dat+
anhud. py bryt bynhac y del yr hynaf; ef a
e gỽrthlad oll. ac ynteu a|geiff datanhud o
gỽbyl. Os y·gyt y gofynnant y·gyt kaffant
mal y dyỽespỽyt vry. Y braỽt hynaf hefyt
yssyd vab kyssefinyaỽl. a|r ieuhaf yssyd eil+
yaỽl. ac ỽrth hynny y dyỽedir. ny ỽrthlad
yr eil datanhud y kyntaf. yr holl vrodyr ie ̷+
u·haf amriodoryon ynt ar gaffel datanhud
cỽbyl. kyt kaffo pop vn y|ran. ac ỽrth hynny
y dyỽedir. ny ỽrthlad amriodaỽr amriodaỽr arall
D Eu dyd yssyd nyt amgen naỽuet dyd
racuyr. a|naỽuet dyd mei. y|dylyir dech+
reu gofyn etifedyaeth o tir trỽy ach yndunt.
kanys o|r dechreuir gofyn tir odieithyr y dy+
| « p 20r | p 21r » |