LlGC Llsgr. Peniarth 38 – tudalen 36r
Llyfr Blegywryd
36r
ỽreic a|ran. a|r gỽr a|deỽis. eithyr y doodrefyn a|re ̷+
nnir val hyn. y llaethlestri oll y|r ỽreic. onyt vn
payol y|r gỽr. a|r dyscleu oll y|r ỽreic onyt vn dyscyl
y|r gỽr. y gỽr a|geiff y karr ac vn o|r gỽedeu. a|r
holl lestri llyn a|r kerỽyneu oll. ac a vo danunt o|r
dillat gỽely. a|r|ỽreic bieu a vo arnunt o|r dillat
gỽely. O|r kymer gỽr ỽreic arall yna ar hynt; ef
a|dyly anuon y dillat gỽely kyntaf y|r ỽreic a|ỽrth+
odet. y gỽr a geiff y gallaỽr a|r tapin neu y|bryc+
can a|r gobennyd a|r cỽlltyr a|r vỽell gynnut. a|r
taradyr a|r ebill taradyr. a|r pentan hayarn. a|r
gradell. a|r crymaneu oll eithyr vn. y ỽreic bieu
y|trybed a|r vn cryman a|r padell a vỽell lydan.
a|r sỽch a|r gogyr. a|r llin. a|r llinhat. a|r gỽlan. a|r
tlysseu eithyr eur ar* aryant. y rei hynny a|ren ̷ ̷+
nir yn deu|hanher o|r bydant. ac velly y gỽeeu
o|r llin a|r gỽlan a|rennir yn deu|hanher. y gỽr a
geiff yr yscubaỽr a|r yt a vo yn|y dayar ac ar
y dayar a|r ieir a|r gath. ac o|r byd ereill y|ỽr ̷+
eic a|e keiff. y ỽreic a geiff y kic yn heli. a heb
| « p 35v | p 36v » |