LlGC Llsgr. Peniarth 45 – tudalen 131
Brut y Brenhinoedd
131
Gwyrda y teyrnas a gyuodynt ym herbyn. Ac
yna y dywaỽt hengist. Arglỽyd heb ef. Canha+
ta titheu y|th was ar y tir a rodeist kymeint
ac yd|ymgyrhaedo carrei y damgylchy+
nu o hundy mal y bo diogelach ym yndaỽ rac
uyng gelynyon Canys fydlaỽn ỽyf yti. A pheth
bynhac a wnelỽyf yno yn fydlonder yti y gỽnaf.
A|chanhadu a oruc y brenhin idaỽ hynny. Ac o|r lle
ellỽng a wnaeth hengist hyt yn germania
a chymryt croen tarỽ a wnaeth ynteu a|e holl+
di yn un carrei. Ac ar y lle cadarnaf ar y tir
a rodyssit idaỽ messur lle castell a dechreu y ade+
ilat trỽy uessur y carrei honno. Ac gwedy a+
deilat y caer y gelwit yg kymraec kaer y ca+
rrei vrth y messur ar carrei. Ac yn saesnec
y gelwit tancastre. Ac yn lladin castrỽm co+
rigie. AC ymchoelut a oruc y kennadeu
o germania a deunaỽ llong yn llaỽn o uarch+
ogyon gantunt yn aruaỽc a merch hengist
a ronwen oed y henỽ. Ac nyt oed yr eil a kyff+
elypit iddi y thegỽch. Ac gỽedy dyuot y niuer
hỽnnỽ. Gwahaỽd a oruc hengist y brenhin y e+
drych yr adeilat a wnathoedit ar marchogyon
newyd dyuot. Ac gỽedy dyuot y brenin. yno a
niuer bychan gantaỽ moli a wnaeth y gweith
newyd. A chymryt y marchogyon newyd dy+
| « p 130 | p 132 » |