LlGC Llsgr. Peniarth 45 – tudalen 71
Brut y Brenhinoedd
71
erchi nerth y genhyt y kynhal uyg kyfo+
eth. hyt pan uo trỽy uyn nerth inheu y ke+
fych ditheu ynys prydein. Ac nac amheu+
et dy pruder di dim o|r ymadrodyon hyn
Canys o|r deuaỽt honno yd aruerant yr
rei marwaỽl. gwedy irlloned kymodi
ar|tangnheued. Ac gwedy fo ymchoelut
AC gỽedy edrych o [ ar uudugolaeth.
ulkassar y llythyr hỽnnỽ. Sef a gauas
o gytgyghor y wyrda nat elhynt ynys
prydein. yr geireu y tywyssaỽc hỽnnỽ Ony
delhei wystlon a ellit eu credu. Ac gỽedy
gỽybot hynny o auarỽy yd
anuones kynan y uab a deng ỽystyl ar|uge*+
geint o dyledogyon y gyuoeth y gyt ac ef
ac gỽedy dyuot y|gỽystlon. kychwyn a|or+
uc ulkassar ar y mor a llu maỽr gantaỽ a
dyuot douyr yr tir. A phan gigleu cas+
wallaỽn hynny oed yn ymlad a llundein
ymadaỽ a oruc ar dinas a dyuot yn er+
byn ulkassar a|e lu. Ac ual yd oed yn dy+
uot parth|a cheint nachaf wyr ruuein. yn
pebyllaỽ yn|y lle hỽnnỽ Canys auarỽy
a|e dugassei hyt yno. ỽrth dỽyn kyrch
am benn caswallaỽn. y ellỽg y caer y gan+
| « p 70 | p 72 » |