LlGC Llsgr. Peniarth 45 – tudalen 85
Brut y Brenhinoedd
85
a rodric y pressỽylyaỽ yndi. Ar wlat a rod+
des ef udunt hỽy a|elwit Cathneis. A honno
oed heb neb yn|y chyuanhedu. Ac gỽedy
nat oed wraged udunt. Sef a wnaethant
erchi yr bryttanneit eu merchet a|e karesseu
yn wraged udunt. A|e neccau a|wnaethpỽ+
yt udunt Canyt oed teilỽng gantunt ro+
di eu karesseu udunt. Sef yd aethant wyn+
teu hyt yn iwerdon. Ac odyno dỽyn gwra+
ged udunt. Ac o|r rei hynny kynydu pobyl
ar rei hynny yỽ y gỽydyl fichti. A|llyna ual
y doethant. Ar achos y kynnỽyssỽyt gyntaf
eiroet yn|yr ynys hon. Ac er hynny hyt he+
diỽ y maent yn ormes heb uynet o·honi. A ch+
anyt arueytheis i traethu o|r gwyr hynny
nac o|r yscotyeit y rei heuyt a dechreuis ky+
nydu eu kenedyl orei hynny. Ac o|r gỽydyl.
y peideis a hynny. Ac ymchoelut y traethu
o|m defnyd uu hunan.
AC gwedy tangnouedu o ueuryc o|r mor y
gilyd yr holl ynys. Caru gwyr ruuein
a oruc ac ellỽg eu teyrnget udunt. A|llune+
ithu pob peth yn adỽyn ual y dat ar hyt y
AC gỽedy eilenwi redec y [ teyrnas.
uuched. y doeth Coel y uab ynteu yn
| « p 84 | p 86 » |