LlGC Llsgr. Peniarth 46 – tudalen 179
Brut y Brenhinoedd
179
ynyon yssyd ym kyỽassagu o|bop parth.
ac o|r mynnỽch chỽi trigyaỽ. ac ymlad
gyt a|mi. mi a|chy*|kynnal y|m teyrnas
yn anrydedus. ac a|rodaf yỽch eur ac ary+
ant. a|thir a dayar a|daoed ereill. ac yn
diannot gỽrhau y|r brenhin. a|ỽnaethant. ac
adaỽ fydlonder idaỽ trỽy aruoll a|thrigy+
aỽ ygyt yn|y llys. ac o|r lle nachaf y|ffi ̷ ̷+
chteit o|r alban yn dineu am y|penn. a|llu
maỽr gantunt. ac yn anreithaỽ y|gỽla ̷+
doed. ac yn llad y bopyl. a phann gygleu
ortheyrn hynny. kynnullaỽ a oruc ynte
y|lu a|mynet yn|y herbyn. ac gỽedy y|dy+
uot ygyt ac ymlad ny bu reit y|r kyỽ ̷ ̷+
daỽdỽyr rỽy ymlad y|dyd hỽnnỽ. canys
y|saesson a|ymladassant yn kynn|ỽraỽlet.
ac yny uu reit y|r gelynyon pylu. ac o|r
diỽed gyrru fo arnunt yn|geỽilydyus.
A gỽedy cael o ỽrtheyrn y|uudugoly+
aeth honno trỽy y|saesson y|rodes
ef rodyon maỽr udunt hỽy. ac y hengist
| « p 178 | p 180 » |