LlGC Llsgr. Peniarth 46 – tudalen 85
Brut y Brenhinoedd
85
ac yn ol ryderch. saỽyl penn issel. ac
yn|y ol ynteu pyrr. ac yn ol pirr capo+
ir. ac yn ol capoir. manaogan y uab
ynteu. gỽr hynas oed hỽnnỽ. ac yn ol
manogan beli maỽr. a deugein mlyned
y|bu beli yn urenhin yn. ynys. prydein. ac y hỽnnỽ
y|bu tri meip. lluyd. a chasỽallaỽn. a|n*
nynhyaỽ. a gỽedy marỽ beli maỽr y|gỽn+
naethpỽyt lluyd y map hynaf yn uren+
hin. y|gỽr a|uu ogynnedus ỽedy hynny.
Ef a|attneỽydaỽd llundein. y|muroed.
a|e cheyryd. a chynn bei dinassoed ereill
llaỽer. hỽnnỽ eissoes a garei ef yn uỽy
no|r un. ac ỽrth hynny y gelỽit hi caer
lud. a gỽedy hynny llygru y|henỽ. y|gel+
ỽit llundein. a phan uu uarỽ lluyd. y
cladỽyt yn llundein ger llaỽ y|porth a|el+
ỽir ettỽa porth llud yg|kymraec. ac yn
saesnec. y|gelỽir ludysgat. a|deu uab o+
ed idaỽ ynteu. auarỽy. a|theneuan. a
phan uu uarỽ llud. nyt oed oet ar|y|uei ̷+
| « p 84 | p 86 » |