LlGC Llsgr. Peniarth 9 – tudalen 14v
Ystoria Carolo Magno: Rhamant Otfel
14v
yn da ragof ỽrth na|th garaf o dim. Ac y go+
uynnaf it agheu fferuagu vy ewythyr a
ledeist. Ac yna brathu eu meirch ac yspardu+
neu yn gadarn a orugant ac ymgyrchu
yny yttoed y weirglaỽd y·rỽg y ffrỽst a me+
int y gỽynt ac eu tỽrỽf hỽynteu yn benhaf
yn kyffrydyeit oll. Ar dayar ygkyueireu yn
hollti. A gostỽg gỽaywar. a|y hystondardeu
yn y chwythu yn aruthyr gan y gỽynt. A
gỽan o pob vn y gilyd yn|y daryan dyrnaỽt
maỽr yny dorres eu deu wayỽ yn gyffredyn
ac eu lledyr brỽt. da uu y llurugeu hagen ỽrth
na|thorres vn vodrỽy o·honunt. Ac nat ymys+
tynnỽys. Ac racdu y kerdỽys y marchogyon
grymus heb colli dim o vn onadunt. Ac y+
na y dywaỽt charlys. a duỽ maỽr a enryued+
ỽch yỽ hỽn genyf i. yr gynhal o|r saracin vn
dyrnaỽt yn erbyn rolond. Heb y belisent y
verch a oed yn seuyll ger y laỽ. da iaỽn yỽ vy
arueu i. heb hi. a|e hymdygaỽdyr hỽynteu
nyt llỽfyr o dim. Ac wedy y geireu hyny. ro+
lond a dynnỽys dỽrondard y gledyf. Ac a dre+
wis otuel ar warthaf y helym echtywyne+
dic yny dygỽydỽys y trỽyn yr llaỽr a riue+
di maỽr o|r modrỽyeu ar blodeu tec. ar me+
in gỽyrthuaỽr gyt ac ef. ac eilweith yn gyf+
lym a drewis pen y uarch yny vyd y ỽrth y gorff
ympell yr llaỽr. Ac yna y dygỽydỽys otuel
pan ballỽys y varch idaỽ. Ac y dywaỽt deu eir.
| « p 14r | p 15r » |