Breudwd Rhyddiaith Gymraeg 1300-1425
English

Llsgr. Amwythig 11 – tudalen 86

Ystoria Adda

86

achaỽs idaỽ a hi ac yna y kahat Seth uab a+
daf ac uu˄vd vu hỽnnỽ y adaf Ac gỽedy bot
Adaf yno yn diwreido dryssi a dryssỽch deu+
deg|mlyned ar hugeint a naỽcant gogỽda+
ỽ a oruc Adaf a dala tristyt a|medylyaỽ ẏ|ty+
uei o|e lin ef diruaỽr drỽc yn|y byt a blinh+
au a oruc o|e vywyt Ac|yna galỽ a oruc
Adaf ar seth y vab Mi a|th|anuonaf heb ef hyt
ym|paradỽys at cherubin archagel yr hỽn a
wercheidỽ pren y vuched a chledyf tan tro+
edic yn|y laỽ paraỽt ỽyf heb y mab A dang+
os im y fford A manac ym beth a dywettỽ+
yf yno Dywet y cherubin heb ynteu vy mot
i yn digaỽn yn|y byt hỽn ac adolỽyn idaỽ y ge+
nyf|i anuon gennyt ym hyspysrỽyd o oleỽ y
trugared a edewis yr arglỽyd ym pan y|m
gyrrỽys o paradỽys Dangos ditheu ym y
fford Dos heb ynteu y|gỽrthỽyneb y glyn y+
rot a|r dỽyrein ac ym·pen y glyn ti a geffy ff+
ord disathyr hyt pan delych y paradỽys a thi