Caergrawnt, Llsgr. Coleg y Drindod O.7.1 – tudalen 39r
Llyfr Blegywryd
39r
y etiuedyon y arall onyt ar eu kyt
les. neu oe duundeb. neu o aghen
kyfreithaỽl. na rodi dim o·honaỽ
ar yspeit heb teruyn gossodedic y
etiuedyon y dillỽg. Os dros da y ro ̷+
dir rac aghen. ac na dotter arnaỽ
namyn deuparth y werth. Onyt uelly
y byd; y etiued ae keiff pan y gofynho
or dichaỽn gỽrtheb drostaỽ yn gyfreith ̷+
aỽl. Y neb a gaffo y tir dylyet trỽy
dadleu yn llys. ac na allei y gaffel
heb hynny; ny dyly talu prit drostaỽ.
ac ny dyly gollỽg dim o da kyffro a or ̷+
diwedho ar y tir yr kynhalyaỽdyr.
Pỽy bynhac a pressỽylho ar tir dyn
arall heb y ganhat dros tri dieu a
their nos; holl da kyffro hỽnnỽ; per+
chen y tir bieiuyd yn dilis os ar+
diwet ar y tir. Tri ryỽ prit yssyd
ar tir. Vn yỽ gobyr gỽarchadỽ. Eil
yỽ; yr hyn a rother yr achwanec+
cau tir neu y vreint. Trydyd yỽ llaf+
ur kyfreithaỽl a wnelher ar y tir
y bo gỽell y tir yrdaỽ. Or keis dyn
| « p 38v | p 39v » |