Caergrawnt, Llsgr. Coleg y Drindod O.7.1 – tudalen 64r
Llyfr Blegywryd
64r
megys y mae yg|colofneu kyfreith
am lofrudyaeth yn|y lle y tygei deg+
wyr a deugeint gan wadu llofrudy+
aeth oll. yno y tỽg cant. neu deu·cant.
neu try·chant gan wadu llofrudyaeth
ac adef affeith. Trydyd yỽ gỽadu ran
ac adef ran arall o dadyl heb weith+
ret yndi. ac yna gan leihau reith os+
sodedic y gỽedir megys myỽn mech+
ni. y lle y tyghei y mach ar y seithuet
gan wadu y vechniaeth oll. yno y tỽg
e hunan gan wadu ran ac adef ran
arall oe vechni. Tri mach yssyd ny
cheiff vn ohonunt dỽyn y vechni ar
y lỽ e hunan kyn gỽatto ran ac adef
ran arall oe vechni nyt amgen. no
dyn a el yn vach yg|gỽyd llys. A mach
diebredic. A mach kynnogyn. beth
bynhac a tygho y kyntaf. y llys a
dyly tygu gyt ac ef. neu yn|y erbyn.
yr eil. neu y trydyd. beth bynhac a
tygho. ar y seithuet oe gyfnesseuieit
y tỽg. canys talaỽdyr o gyfreith vyd
pob vn ohonunt. Tri ryỽ tỽg yssyd
| « p 63v | p 64v » |