LlB Llsgr. Cotton Cleopatra A XIV – tudalen 105r
Llyfr Cyfnerth
105r
tir. Eil yỽ naỽuetdyd mei elchỽyl. Try ̷+
dyd yỽ naỽuetdyd mei y| daỽ teithi kyn ̷+
flith. Petweryd yỽ naỽuetdyd whefraỽr
y| daỽ teithi kynwheith. Oet naỽuetdyd
yssyd y arglỽyd y ymgoffau ae lỽ pan hon ̷+
her arnaỽ rodi llỽ gynt. Oet naỽuetdyd
yssyd rỽg llys a| llan. kyn atteb. A| hynny
guedy haỽl. pan uo amrysson am tir.
Oet naỽuetdyd yssyd am gelein a han ̷+
fo or vn cantref ar neb ae llatho. Tri naỽ+
uetdyd yssyd y penkynyd. Tri naỽuet ̷+
dyd yssyd am ueichogi gureic. Naỽuet ̷+
dyd kyn aỽst y da pop heit y|mreint
modrydaf. Oet naỽuetdyd yssyd am
warant un wlat neu tyst un wlat. Oet
naỽ·uetdyd yssyd y dỽyn ty a| wnelher ar
tir dyn arall heb y ganhat. Oet naỽuet ̷+
dyd yssyd y wreic y arhos y ran or da yn| y
thy pan ysgarho ae gỽr. Oet deu naỽ ̷+
vetdyd yssyd am aradyr pan torher.
| « p 104v | p 105v » |