LlB Llsgr. Cotton Titus D IX – tudalen 11r
Llyfr Blegywryd
11r
y|tir. Herỽyd breint y|tir y|telir idaỽ. Pann or+
ffo o|ymỽystlaỽ ygyt a|e varnn. Ny dich+
aun brenhin dỽyn breint braỽdỽr sỽy+
daỽc hynny dycco y sỽyd y|gantaỽ.
Os y llall a oruydir velly; talet y|sarha+
et y|r braỽdỽr. ac y|r brenhin ỽrerth* y|ta ̷+
uot. O|r daỽ neb y warandaỽ ar|y|braỽdỽ+
yr yn barnu heb gannyat. teir|bu cam ̷+
lỽrỽ a|tal y|r brenhin. ac o|r byd y|brenhin
ynn|y maes talet yn deudyblyc. March
y|braỽdỽr a|geiff o|r ebrann kymeint
a|rann deu varch. ac yn vn bresseb a|ma+
rch peunydyaỽl y brenhin y|byd. Pedeir
keinnaỽc kyureith a geiff y|braỽdỽr
o bop dadyl a talho kymeint a hynny.
Y|neb y barnno idaỽ a|e|tal. O|r myn y|bren+
hin dodi neb vn agkyurỽys. ac amhar+
aỽt y|ghyureith yn vraỽdỽr llys; ynn|y
llys y dyly bot yg|ketymdeithas y|brenhin
yn gofyn. ac yn gỽarandaỽ ygneit a|del+
hỽynt o|r|ỽlat y|r llys. ac y|dyscu kyurei+
theu. ac arueroed. a|deuodeu. a gossodedi+
gaetheu y brenhin. a dei berthont* vrth
aỽdurdaỽt. ac yn bennaf teir colofynn
kyureith. a gỽerth holl anyueileit dof.
ac ereill gỽyllt a aruerho dynyon ohon ̷+
| « p 10v | p 11v » |