LlB Llsgr. Cotton Titus D IX – tudalen 70r
Llyfr Blegywryd
70r
yr ennill. Beth|bynnac a|vyrryho morgym+
laỽd y|r tir megys torri llog y|brenhin bi+
eiuyd. Pỽy|bynnac a omedho seuyll ỽr+
th gyureith yn llys yg|gỽyd y|brenhin.
annreith odef vyd. Eil dyn anreith odef
yssyd; fflemaỽr. Trydyd yỽ; dyn a|ladho
kelein kywlat ac ef.
P wy|bynnac a|torrho not ar|ffin
rỽg deu|tir. neu dỽy tref. talet
camlỽrỽ y|r brenhin. a|phedeir
keinnaỽc kyureith y|r peirchen.
a|gỽnaet y|not mal y|bu. Os avon a vyd
not rỽg tired deudyn. a|dygyỽydaỽ der+
ỽen ar|traỽs yr auon; perchenn y|tir
y|tyfuo y|prenn ohonnaỽ bieiuyd y|prenn.
ac a|berthyno y|wrthaỽ. Y neb a ardho
prifford. neu ffos ar ffin; talet wheu+
geint y|r brenhin. Gỽahardadỽy yỽ
coet am|y|ffrỽytheu o|r pymhet dyd
kynn gỽyl vihagel. hyt y|pymthec+
vettyd gỽedy yr|ystỽyll. arc o|r moch
a|gaffer ynn|y coet; lladher y|decuet
llỽdyn poohonunt hyt naỽ. ac ody+
na lladher pob vn pan gaffer hyt y
diỽethaf. O|R moch a|distryỽho yt
aetuet; talher gỽerth yr yt a|distry+
| « p 69v | p 70v » |