LlB Llsgr. Cotton Titus D IX – tudalen 8v
Llyfr Blegywryd
8v
vn o|r teir gỽyl arbennic. ac ef a|geiff kyh ̷+
yt a|e vys perued o|r cỽrỽf y|ar|y|gỽadaỽt.
ac o|r bragaut hyt y kygỽg perued yr vn
bys. ac o|r med hyt y kygỽg eithaf. Y|neb
a|ỽnnel cam yg|kynnted yn* neuad; os di ̷+
stein a|e deila; trayan y|dirỽy neu y|kam ̷ ̷+
lỽrỽ a|geiff. ac velly heuyt os is gynnted
y|deila. O|r ymlad deuỽr o|r sỽydogyonn
yn llys. y distein a geiff trayan eu|dirỽy.
Distein bieu cadỽ trayan y|brenhin o|r an ̷+
reith. a|phan y defnydyo. ef a geiff buỽch
neu ych. Distein bieu tygu dros y|bren ̷+
hin pan|vo|reit. Rann deuỽr a geiff o grỽ ̷ ̷+
ynn y gỽarthec a|ladher ynn|y gegin. Rann
gỽr med ereill. Ef bieu dangos y|baup
y eistedua priaỽt yn|y neuad. Ef a|rann
y|llettyeu. March yn wosseb a geiff y|gan
y|brenhin. a|dỽy rann idaỽ o|r ebrann.
Y|tir a|geiff yn ryd. buch neu ych a|ge+
iff y gan y|teulu o|bop anreith. Ef a|geif
trayan camlyryeu sỽydogyonn bỽyt.
a|llynn. nyt amgen. Coc. Trullyat.
Sỽydỽr llys. Ef a|geiff gobreu merchet
| « p 8r | p 9r » |