Llsgr. Caerdydd 1.362 (Hafod 1) – tudalen 111r
Ystoria Dared
111r
der gỽr hirwyn oed kadarn a llygeit tec a gwallt me+
lyn man a|geneu aduỽyn a llef hynaỽs idaỽ buan oed
a|chwannaỽc oed y gyfoeth. Eneas gỽr coch oed pedro+
gyl kymen dywedỽydat a|chadarn y gyghor gwar ac
ofynaỽc a llygeit maỽr duon idaỽ Antenor gỽr hir+
ueyn buan ac aelodeu bleỽaỽc a chall oed Ecuba wreic
briaf vrenhin gwreic vaỽr dec corff eryr oed idi ac
annỽyt mul gỽraỽl kyfyaỽn genti a gwar oed An+
dromacca gwreic hirwen furueid a llygeit eglur
idhi a oed hynaỽs ac ygnat a diweir a chlaer oed.
Cassandra gwreic gymhedaỽl oed a|geneu bychan a lly+
geit eglur a|dehogylwreic oed yn hynn a|delei rac llaỽ
Polixena gwreic hirwen furueid vynygylhir ac ae+
lodeu kyweir a byssed hiryon ac eskeired crynyon a
thraet llunyeid idi yr honn o|e thegỽch a|ragori* ar
baỽb annỽyt mul hael oed a diweir.
AC yna y doeth gwyr groec a llynges ganthunt
yr wlat a elwit athenas yn gyntaf y deuth aga+
mennon o|r dinassoed a elwit Mereny a|chant
llong gantaỽ a menelaus o|r wlat a elwit Sporta a
thrugein llong gantaỽ a Thelaus a Phrocentor a phe+
leas ỽynteu o voecia a deuthant a dec llong a deugeint
gantunt Ascolapus ac Alimerus o|r wlat a elwit
orchomenus a dec llong ar|hugeint gantunt Epitro+
pus o|r wlat a elwit polides a vgein llong gantaỽ
Aiax telamonnis ynteu a duc y gyt ac ef o salame+
nia deucrỽm y vraỽt bublator a phrnacus brocus
deseus boxilinus a deugein llong gantunt Polimettor
ac vgein llong gantaỽ Nestor o|r wlat a elwir Pwr
| « p 110v | p 111v » |