Llsgr. Caerdydd 1.363 (Hafod 2) – tudalen 155v
Brut y Brenhinoedd
155v
o|r dywed e brytanyeyt a orỽuant. kan lad
Rycỽlff a llawer o|y wyr y gyt ac ef. Ac gwe+
dy kaffael o|r brytanyeyt e wudỽgoliae+
th kyrchỽ e dynassoed a orỽgant. ac eỽ llosky
a gwascarỽ eỽ pobloed ac ny orffwyssassant
hyt pan darfỽ ỽdỽnt darestwng holl lychlyn
a denmarc wrth arglwydyaeth arthvr. Ac
gwedy darỽot henne ef a ỽrdỽs lew ỽap kynỽ+
arch en ỽrenyn en llychlyn. ac o·dyna ed hwy+
lyaỽd enteỽ a|e lynghes hyt en ffreync. ac gw+
edy kyweyryaỽ y torỽoed dechreỽ anreythy+
aỽ e wlat o pob parth a orỽgant. Ac en er ams+
er hỽnnỽ ed oed ffroll en tewyssaỽc ar ffreync
a dan lew amheraỽder rỽueyn en|y llywyaw.
Ac gwedy klybot o ffroll dyvodedygaeth arth+
vr. ef a kynnỽllaỽd holl ỽarchogyon ffreync. ac
a deỽth y ymlad ac arthvr. ac ny allvs gwrthwy+
nebv ydaỽ. kanys y gyt ac arthỽr ed oed
holl yeỽenctyt er enyssed ar ry oryskynnassey.
Ac wrth henny kymeynt a dywedyt y vott* y
gyt ac ef o lw ac oed anaỽd y ỽn tewyssaỽc neỽ y
nep y erbynnyaỽ neỽ gorỽot arnaỽ. kanys|gyt
ac ef heỽyt ed oed er ran oreỽ o ffreync er hon
ar ry gwnathoed y haylder ef en rwymedyc
| « p 155r | p 156r » |