Llsgr. Caerdydd 1.363 (Hafod 2) – tudalen 3v
Brut y Brenhinoedd
3v
daỽ hyt yg gwlat groec. ac yno y kaỽas g+
wely·gord helen ỽap pryaf yn arweyn keyt+
hywet a dan arglwydyaeth pandrasỽs bren+
yn groec. Ar kenedyl honno pyrr ỽap achel
gwedy dystryw tro a|e dỽgassey kanthaỽ
yg keythywet ỽrth dyal agheỽ y tat arnadỽ+
nt. Ac gwedy atnabot o vrỽtỽs y kytkenedyl
ef a trygwys y gyt ac wynt. a chynydv a orỽc
ar ỽolyant a chlot a dewred a mylwryaeth. hyt
pan oed kymeredyc a charedyc y gan y brenh+
yned ar tewyssogyon ym blaen holl yewectyt
yd hanoed o·honey. kanys doeth oed ym plyth
y d·oethyon. dewr a glew ym plyth yr ymlad+
wyr. A pha peth bynnac nac eỽr. nac aryant
na da arall a kaffey neỽ a damwenney ydaỽ.
hynny yn hollavl a wascarey ac ar rodey o|y kyt
varchogyon ac o|y kytemdeythyon yn hael. Ac
gwedy mynet y clot wrth hynny tros y gwl+
adoed. dechreỽ a wnaethant gwyr tro ymk+
ynnvllav attav ac erchy ydav ynteỽ bot yn tyw+
yssavc arnadvnt. ac ev rydhav o keythwet
gwyr groec. Ac wynt a kedernheynt y gal+
ley ef heỽey yn yscafyn hynny. kanys kyn
| « p 3r | p 4r » |