LlB Llsgr. Harley 4353 – tudalen 42v
Llyfr Cyfnerth
42v
ny chahat dim yn| y laỽ. deudeg mu dirỽy
arnaỽ. Tri anhebcor brenhin ynt. y effei ̷+
rat teulu. A|e ygnat llys. A|e teulu. Tri
pheth ny chyfran brenhin a neb. y eur ̷+
graỽn. A|e hebaỽc. A|e leidyr.
TRi phetwar yssyd. petwar achaỽs yd
ymhoelir braỽt. o ofyn gỽr kadarn.
a chas galon. a charyat kyfeillon. A serch
da. Eil petwar yssyd; pedeir taryan a a
y·rỽg dyn a| reith gỽlat rac haỽl ledrat. Vn
yỽ kadỽ gỽesti yn gyfreithaỽl. nyt amgen
no|e gadỽ o pryt gorchyfaerỽy hyt y bore.
a dodi y laỽ drostaỽ teir gỽeith y nos honno.
A hynny tygu o·honaỽ a dynyon y ty gan ̷+
taỽ. Eil yỽ geni a meithrin. Tygu o|r perch ̷+
ennaỽc ar y trydyd o wyr vn vreint ac ef.
gỽelet geni yr anefeil a|e veithrin ar y helỽ
heb y vynet teir nos y ỽrthaỽ. Trydyd yỽ
gỽarant. Petweryd yỽ kadỽ kyn
koll. A hynny tygu o|r dyn ar y trydyd o wyr
vn vreint ac ef. kyn kolli o|r llall y da. bot y
da hỽnnỽ ar y helỽ ef. Nyt oes warant na ̷+
myn hyt ar teir llaỽ. Gỽneuthur o|r tryded
laỽ kadỽ kyn koll. A hynny a differ dyn
rac lledrat. Trydyd petwar ynt. pet ̷+
| « p 42r | p 43r » |