LlB Llsgr. Harley 958 – tudalen 19r
Llyfr Blegywryd
19r
da a rotho arglỽẏd ẏ|dẏn. A|chẏmun a gẏ+
merho effeirat gan ẏ marỽ. A da a gẏmer+
ho medic ẏ gan ẏ|neb a|uedeginaetho.
T eir marỽ tẏstoỻẏaeth ẏssẏd am|tir ac
a|sauant ẏ|gẏfreith a|barn. vn ẏỽ o|r kẏf+
froir dadẏl am|tir ẏn ỻẏs. a|e theruẏnu|ẏ|g+
ỽẏd gwẏr ẏ|ỻẏs. gwedẏ ẏ bo marỽ ẏ rei hẏn+
nẏ hoỻ. tẏstoỻẏaeth eu etiuedẏon hẏt ẏ go+
rỽẏron. neu achwanec a gredir am ẏr hẏn
a glẏỽsant ẏ gan eu rieni o|r dadẏl honno.
A rei hẏnnẏ a elwẏr gỽẏbẏdẏeit am tir. Eil
yỽ henurẏeit gỽlat ẏ ỽẏbot ach ac edrẏt ẏ+
rỽng kenedẏl a|charant a dẏn a ofẏnho tir
drỽẏ ach ac etrẏt a* naỽuetdẏdẏeu kalan
mei. neu galan gaẏaf. Trẏdẏd ẏỽ pan wel+
her pentanuaen tat ẏ dẏn a ofẏnho tir neu
ẏ hentat neu ẏ orhentat neu ereẏll o|e gene+
dẏl neu ỻe a·deil neu ẏ tir ar ẏ rẏeni. ẏ rei
hẏn oll a sauant ẏn ỻe tẏston idaỽ ar ẏ dẏ+
lẏet. Tri thorỻỽẏth vn werth ac eu mam
ẏssẏd. nac vn na ỻiaỽs ẏ|bỽẏnt o|r dẏgir
ẏn ỻedrad. Torỻỽẏth geỻast. A|thorỻỽẏth
hỽch ar ẏ|thle*. A|nẏthlỽẏth hebaỽc. Tri
ỻẏdẏn vn werth ẏssẏd ẏn|ẏ genuein pob
amser. dec ar|hugeint ẏỽ gỽerth pob vn o+
| « p 18v | p 19v » |