Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 53r
Ystoria Lucidar
53r
y|menegis y Josep drỽy y|sser. Ar sygynnev y|by+
dei arglỽyd ar|y|vrodyr. neu heuyt pann dys+
ger peth angkenreit. megys y|dysgỽyt y Jo+
seph arall fo yr eifft ar mab iessu. rac her+
ot. Gweitheu ereill y|gann gythreul pann
wnneler peth dybryt y|geissyaỽ llesteiryaỽ da
megys y darlleir yn diodeiueint yr arglỽyd.
Val yd ymdangosses dieỽl y wreic pilatus y
erchi idi na dienydit iessu. kannys ef a|wyd+
dyat y collei ef y|veddyant o hynny allann.
Gỽeitheu ereill y|gann dyn e|hun megys
yd ymdengys idaỽ drỽy y|hun yr hynn a|ỽelo nev
a|glyỽho. neu a vedylyho odieithyr y|hun.
Benndigedic vo geir duỽ a venegis ymi y|saỽl
gyfurinnachev a hynny drỽy dy enev tithev.
Pei beiddỽnn. i. y|ofuyn yr aỽr honn mi a
vynnỽn glyỽet am yr antikrist. yn llaỽ+
en. yr antikrist ymabilon vaỽr a enir o
butein o genedyl tan. Ac a|gyfuleỽnir o|gythre+
ulyaeth yg|kroth y|vam. A hudolyon a|e mag+
ant yg koziaim. Ac a|uyd arglỽyd ar yr|holl
vyt. Ac a darestỽng holl dynyaỽl o|betỽar
mod idaỽ. Yn gynntaf yd ystỽng y bonedigy+
on o oludoed y|rei a uyd amyl idaỽ. kannys
pob sỽllt kudyedic a|uyd amlỽc idaỽ. O|r eil
| « p 52v | p 53v » |