Rhydychen, Llsgr. Coleg yr Iesu 20 – tudalen 29v
Ymborth yr Enaid
29v
y karueiduab dwywaỽl a dywetpỽyt
vchot. A thebic y vot y·rỽng dy vreicheu
ynteu yn ymwasgu ac yn ymgaru
ac ef gan gadarn gredu ac ymdiret yn
hynny. Ac yna drỽy y wediaỽ ef. galỽ
yn garedic ar yr yspryt glan gan garo+
li neu hopyaỽ dy gallon idaỽ o|e hoỻ e+
wyỻys serchaỽl garyat.
D yret yspryt sant creaỽdyr byt.
bydoed eurnaf. y|n caỻonneu
a|n dỽy·vronneu vreinyaỽl hynaf. Go+
fỽy an bryt. tro yn kyngyt. kynigadyr
waessaf. ỻaỽna o|th rat ni a|th garyat.
gỽraỽ* adaf. Ti yỽ|n kadyr|dỽr a|n didanỽr
y didanaf. ffynnaỽn vyỽ rat. rod douyd
dat. o dut vchaf. Tan anỽylyt. serth* a
gleindyt. glan demyl euraf. Oes duỽ
deheu. doethon eireu. eiryan wanaf. Se ̷+
ith·dyblyg rod. o seith ryỽ vod. vud ne ̷+
folaf. A ryd yn|haỽd. yn ymadraỽd.
meidraỽl araf. Emynn* geli yn oleuni
| « p 29r | p 30r » |