LlGC Llsgr. Llanstephan 27 (Llyfr Coch Talgarth) – tudalen 175v
Gwyrtheu Mair
175v
kerdet y grawys heibyaỽ. am hanner nos yd ymdangosses
idaỽ yr arglỽydes ueir wyry mam grist. ac ymliỽ ac ef a|oruc.
a|dywedut ỽrthaỽ ual hynn. Paham yd aflonydut ti arnaf|i
heb hi. a|thi gỽedy ymdiwat ac ymwrthot a|m mab i yr
hỽnn yssyd iachỽyaỽdyr hoỻgyuoethaỽc. ac a ymdiwedeist
a minneu y vam ynteu. O ba ymdiret y gaỻaf|i ymado+
lỽyn ac ef drossot ti. a thitheu gỽedy ymadaỽ ac ef. vy ar+
glỽydes i heb ef bendigedic yn wastat. mi a wnn ry bechu
o·honaf|i y|th erbyn di yn ormod. ac yn erbyn yn arglỽyd ni
Jessu grist yr hỽnn a anet ohonat titheu. a mi a wnn nat
ỽyf teilỽng y gaffel trugared. namyn gan gaffel angre+
ifft y|r bobyl. Eissyoes pan vedylyỽyf am bechaduryeit
a gaỽssant uadeueint o|e pechodeu. nyt amgen dauyd broffỽyt
a phedyr dywyssaỽc yr ebystyl. ny aỻaf inneu anobeithyaỽ ~
am vadeueint o|m pechodeu. pan uedylyỽyf am baỽl ebostol
ỻestyr etholedigaeth. a meir uadlen. a zacheum. a gorinthi
ffyrnigỽr. ac|ciprian gỽr creulaỽn a ladei y meibyon yng|cal+
lonneu eu mammeu. a|r ỻeidyr yn|y groc. ac am hynny y|m
kymheỻir inneu y wediaỽ trugared Jessu grist. a|r teu di+
theu. Ac ar|hynny y dywaỽt yr arglỽydes wynuydedic ueir.
Ha|dyn heb hi kyffessa di. kanys ymdiwedeist a mab duỽ
yr hỽnn a anet o·honaf inneu. ac a|daỽ rac ỻaỽ yn aruthyr
vraỽdỽr y varnu ar vyỽ ac ar ueirỽ. a minneu a archaf i+
daỽ drossot ti. ac a|dygỽydaf y draet y adolỽyn idaỽ dy gym+
ryt ti. ac ar hynny gostỽng y wyneb a|oruc teophilus a
chyffessu. a|dywedut. Kyt boet budyr a|halaỽc vyng|geneu
i heb ef. gan ymdiret yn aỽch trugared chỽi. Eissoes mi a
| « p 175r | p 176r » |