LlGC Llsgr. Llanstephan 27 (Llyfr Coch Talgarth) – tudalen 50v
Deuddeg Pwnc y Gredo
50v
ascendit ad celos. sedet ad dexteram dei patris omnipotentis.
a|r pỽngk hỽnnỽ a|ossodes Jago ebostol y ieuaf. ac ystyr
hynny yỽ. Y trydyd dyd y kyuodes o veirỽ. ac yd esgynna+
ỽd a|r nefoed. ac y mae yn eisted ar|deheu duỽ dat hoỻ·gy+
uoethaỽc. Y chwechet pỽngk yỽ. Jnde uenturus est iudi+
care uiuos et mortuos. a hỽnnỽ a|ossodes phylip ebostol.
Sef yỽ dyaỻ hynny. O·dyna y daỽ y varnu y rei byỽ a|r
rei meirỽ. ac y dỽc ganthaỽ y nef y gymryt gogonyant
a ỻewenyd yn|dragywydaỽl. a|r rei drỽc a vỽrỽ ef ym poeneu
uffern heb drangk a heb orffen. Y pump pỽngk diwethaf
a berthynant ar|yr yspryt glan. kyntaf o·nadunt yỽ. Cre+
do in spiritum sanctum. Sef yỽ hynny. Mi a gredaf yn
yr yspryt glan. a|r pỽngk hỽnnỽ a|ossodes bartholomeus
ebostol. Yr|eil pỽngk yỽ. Sanctam ecclesiam catholicam.
a|r pỽngk hỽnnỽ a|ossodes matheus ebostol. Sef yỽ hynny
mi a gredaf yn yr eglỽys lan gyffredin. Trydyd pỽngk yỽ.
Sanctorum communionem remissionem peccatorum. a|r
pỽngk hỽnnỽ a|wnaeth symon ebostol. Sef yỽ hynny.
Mi a|gredaf y gyffredinrỽyd y seint a madeueint o|n pecha+
ỽt. Sef yỽ kyffredinrỽyd y seint. bot paỽp yn|y nef yn gyf+
rannaỽc o ogonyant y gilyd. Pedweryd pỽngk yỽ. Car+
nis resureccionem. Sef yỽ hynny. Mi a gredaf kyuodi y
meirỽ yn eu priaỽt gnaỽt kynno dyd braỽt y gymryt o
baỽp o·nadunt y gan|duỽ ual y gobrỽyaỽd. A|phỽy|bnnac*
a ystyryei hynny ny phechei vyth yn uarỽaỽl. a hynny
a|dyweit y proffỽyt. Coffa dy diwed ac ny phechy vyth yn
uarwaỽl. ac ỽrth hynny gỽae ef diryeit heb ovyn duỽ yn|y
gallon
| « p 50r | p 51r » |