LlGC Llsgr. Peniarth 11 – tudalen 127r
Ystoriau Saint Greal
127r
kanys nyt athoed yno eiryoet daryan marchaỽc weỻ no thydi.
a|mi a|dylyỽn vot yn ỻawen ỽrth dy|dyuotyat kyt darffo ytt
vy anafu. kanys neur|daroed ytt vyn|tynnv o garchar a|oed
waeth no hynny. Pa|ryỽ le oed hỽnnỽ heb·y gỽalchmei. Yma
heb y marchaỽc yd oed fford marchogyon urdolyon. ac yma
y deuynt ỽynteu yn vynych. Sef y bydei reit ym˄i ymwan ac
ymlad a|phaỽb. a|mynych oed ymi oruot ar|baỽp. ac anregu.
y|rei yssyd ody vyỽn o·nadunt. ac ueỻy y gỽnathoedỽn i a
thitheu pei|as|gaỻassỽn. yn|hynny ny weleis i eirmoet mar+
chaỽc a|m|bỽryei i namyn tydi. kyt gỽelỽn a|m anafei. a|cha+
nys ỽyt ti yn|dỽyn y daryan. a|gỽedy goruot arnaf|inneu.
mi a|rof vy ỻỽ y titheu na wneir cam nac amarch y neb o|r|a
el heb y casteỻ hỽnn vyth o|hynn aỻan. Myn vy|ỻỽ inneu
heb·y gỽalchmei gỽeỻ yỽ gennyf|inneu yr enniỻ hỽnn yr
aỽrhonn no chynneu. Arglỽyd heb y marchaỽc myui a|af
ymeith gan dy gennat. Dos ditheu heb·y gỽalchmei. a duỽ
a|wnel ytt wneuthur yn|da o hynn aỻann. yna arglỽydes y
gadeir a|dywaỽt ac a|erchis y walchmei roi idi hi y daryan
a|vynnassei y marchaỽc y chaffael. a vnbennes heb·y gỽal+
chmei ti a|e keffy yn ỻawen. A|hitheu a|e kymerth ac a|e roes
yn|y gadeir. a|r marchaỽc a|aeth y|r casteỻ. ac yr aỽr y doeth ef
y myỽn ryỽ gynnỽryf a|gyuodes yn gymeint ac yny yttoed
y fforest yn godyrdu. Yna yr vnbennes a dywaỽt ỽrth walch+
mei. arglỽyd heb hi y marchaỽc a vỽryỽyt yng|karchar. Aỽn
A ni ymeith yn C yna y kerdassant ỽy y·gyt yny
vuan odyma. ~ gerdassant viỻtir. a vn·bennes heb
| « p 126v | p 127v » |