LlGC Llsgr. Peniarth 190 – tudalen 257
Penityas
257
neu ganhorthỽy. udunt. O chyffroes ere+
iỻ y bechu. O|r gỽnaeth yn|y vabolaeth
beth gỽrthỽyneb godinabus. Ot ym·hof+
fes o|r ryỽ bechaỽt hỽnnỽ gan dywedut
gỽir neu ev. O|r gỽnaeth gywydeu godi+
nabus neu os canaỽd. neu os gỽarandaỽ+
aỽd yn ỻawen. Ot ym·haloges o|r pechaỽt
hỽnnỽ drỽy y hun. a|pha vod kanys gỽei+
theu y byd pechaỽt gỽeitheu ny byd. ac
o|r bu arnaỽ yn deffro y ryỽ·beth hỽnnỽ.
O|r chwennychaỽd ef nebun. ac o|r myn+
naỽd y chwennych o neb. O|r duc gỽre+
ic y dreis ac os ỻygraỽd o|e hanuod. Ef
a dylyir amovyn y ỽrth angclotuorus a
gỽrthmun bechaỽt. nyt amgen pechaỽt
sodoma. keingeu yr hỽnn ny dylyir eu
henwi o·nyt o bellaf ac y gaỻer. ac ar y
pechaỽt hỽnnỽ yd adnabydir. pa vod
bynnac yd ymhalogaỽd dyn dan y
wybot dyeithyr deduaỽl aruer gỽr
a gwreic. ac ef a dichaỽn y|r offeiryat dyỽ+
| « p 256 | p 258 » |