LlGC Llsgr. Peniarth 32 (Y Llyfr Teg) – tudalen 142
Llyfr Iorwerth
142
Croen bleid; ỽyth keinhaỽc. Croen beleu; pe ̷+
deir ar|hugeint. Croen ỻostlydan; chỽeugeint.
Teir hely ryd yssyd; heit wenyn ar wrysgen.
a ỻỽynaỽc. a|dyfyrgi. Sef achaỽs y maent ryd;
ỽrth eu|bot ar gerdet yn wastat. ac nat oes atlam
G ỽerth derwen; chỽeugeint. O|thyf [ vdunt.
yn dỽy geing. keinhawc. am bop vn onadunt o|r
bydant kyn|vrasset. a|chynny bỽynt; o|r bydant
o|vn tỽf. Gỽerth traỽsgeing. a|dyfho o gaỻon
y prenn; dec ar|hugeint. ac namyn hynny bric
vyd. ac nyt oes werth kyfreith. arnaỽ. dyeithyr camlỽrỽ
y|r brenhin. ymdanaỽ. am dyỻu derwen; pedeir ar
hugeint. Gỽerth kegin* derỽen ny del frỽyth
arnei; pedeir keinhaỽc. Gỽerth kollỽyn pedeir
ar|hugeint. O thynnir vn goỻen o|r koỻỽyn;
pedeir keinhawc. Pop prenn o|r a|arwedho frỽyth; vn
werth a choỻỽyn vyd achlan dyeithyr y derỽ.
ar auaỻ. Imp; pedeir keinhawc. hyt galan gaeaf rac+
wyneb. gỽedy yd imper. O hynny aỻan dỽy gei+
naỽc pob tymhor yny ordiwedho ffrỽyth a|dry+
cheif arnei. ac yna trugeint a|dal. ac ỽrth hyn+
ny y mae vn·werth a|ỻo bychan. Auaỻen sur
pedeir keinhawc. a|dal yny del frỽyth arnei. Gỽedy
del frỽyth arnei; dec ar|hugeint. Pob prenn
o|r a|blanher yn wasgaỽtwyd; pedeir ar|huge+
int a|dal|Pob prenn ny ordiwedho frỽyth; pedeir
keinhawc. a|dal.
| « p 141 | p 143 » |