LlGC Llsgr. Peniarth 33 – tudalen 39
Llyfr Blegywryd
39
kynnenusson yn llys a|el erbẏn dat+
can braỽdỽr kẏnn barn. ef a|dẏlẏ
caffel cof llẏs ẏrẏdaỽ kẏn barnho
dim Tri pheth a|dẏlẏ braỽdỽr
y datcanu; pan varnho. haỽl. ac
atteb. a barnn. O tri mod ẏ|kẏll
braỽdỽr camlỽrỽ o varnu; ac nẏ
chẏll werth ẏ tauaỽt. vn ẏỽ;
pan difarnho kẏfrẏỽ ac a|uarnas+
sei gẏnt trỽẏ gẏffelẏbẏon ach·wy+
sson; Eil ẏỽ; pan el ar gyfeilorn ẏn
datcanu dadẏl o|r kadarnha mỽẏ. neu
lei ẏnn|ẏ dadẏl. noc a|uu o|eireu grẏm
Trydyd ẏỽ; na|rotho gỽẏstẏl gẏt a|e
varnn pan rother gỽẏstẏl ẏnn|ẏ her ̷+
byn; O|r mod kẏntaf ẏ|varnn gam+
haf a|dileir. O|r eil; ẏ|datcan a|iaỽnhe+
ir O|r trẏdẏd; ẏ|varn heuẏt a|dileir. ẏ+
na kẏt|boet iaỽn. kannẏs kadarnha ̷+
wys ẏ braỽdỽr hi ẏn amsseraỽl trỽẏ
ỽẏstyl. Os dadleuỽr a|e·brẏuẏcca ̷ ̷
ymỽẏstlaỽ a|r|braỽdỽr; nẏt amgen
pan ẏ datcano gẏntaf idaỽ. nẏ che ̷ ̷+
iff ẏmỽystlaỽ ac ef am ẏ varnn
| « p 38 | p 40 » |