LlGC Llsgr. Peniarth 35 – tudalen 14v
Llyfr Cynog
14v
Ac ỽrth hynny y dywedir. Diỽc trỽy dy uot a
wnelhych o|th anuod a llyna un dyn a| ladeir heb
y sarhau Os ym penn anyueil arall y dygỽyd
ny thelir aghyuarch drostaỽ namyn digolle+
du y perchennaỽc o·honaỽ Canyt yn ynni cam
y gỽnaethpỽyt. A rei hynny a| elwir ergydy+
Vn anodeu yssyd a deu odeu. [ eu anodeu.
un a| diwygir o peth. Arall a| diwygir o cỽbyl.
arall ny wygir o dim. [ yr anodeu a| dywedas+
sam ni ury. Ar deu odeu yỽ ryỽ peth a wnel
dyn yr da y arall kyn del drỽc o·honaỽ. Ny dy+
lyir y ouyn idaỽ. Pei keissei dyn byỽ arall
ac o|r gweithret hỽnnỽ y uarỽ ny diwygir o
dim. Canys yn ynny* da y gỽnaethpỽyt ac
nyt yn ynni drỽc. Arall yỽ y peth a wnel
dyn yg godeu drỽc. Ac y| del drỽc ohonaỽ. O|r
lledir dyn yn odeuaỽc yna y| telir y sarhaet
yn gyntaf a|e alanas gỽedy hynny a hỽnnỽ
a dywygir o cỽbyl. A rei hynny a| elwir yng kyfreith.
deu odeu ac un anodeu. Vn dyn a| dieinc
o kyfreith. A chywerthyd tri ugeint ar y keuyn
o kic a| chroen yn lledrat heb seith punt
heb cosb heb dial heb eneit uadeu heb y uot
yn deholỽr ac yn adeuedic gantaỽ yn lled+
rat. Ar pechennaỽc* yn daly damdỽg arnaỽ
| « p 14r | p 15r » |