LlGC Llsgr. Peniarth 35 – tudalen 83r
Llyfr Iorwerth
83r
Ef a| dyly kynhal penn yr ieu ym pob le*
y gỽnel. Pỽy| bynhac a wnel kyuar ac
na del yn herwyd y eredic na dyd na
deu y bo heb dyuot; y kyfreith. a| dyweit nac
o uod nac o kymhell y del hyt na dyly ef
dim o|r a arder hebdaỽ. Ny dylyir dodi
na meirch na chessic na gwarthec yn a+
radyr. Ac o dodir hỽy. ket erthylho y kes+
sic ar gwarthec. A chet anauo y meirch
ny diwygir. Ac ygyt a| hynny ny dywe+
it y kyfreith. dylyu un erỽ o·nadunt Onyt
amodir udunt. O deruyd y dyn kyfa+
ru ych a| dỽyn yr ych yn lledrat. y kyfreith. a
dyweit na dyly ef daly penn yr ieu. Ac
na dyly ynteu caffel y erỽ. [ O der+
uyd kyuaru ych a| bot yn well ganta+
ỽ dodi arall yn| y le. y kyfreith. a dyweit na
dyly y symmudaỽ heb gannyat y kyuar+
wyr. Ny dylyir symmudaỽ yr ychen
a|kyuarher* yn| y rych yng gwellt heb
gannyat y perchennaỽc. Ny dyly neb kym+
ryt amaethu arnaỽ Ony ỽybyd gỽne+
uthur aradyr a hỽylaỽ yr heyrn Canys
ef a| dyly y wneuthur o|r hoel leihaf hyt
y uỽyhaf. Pỽy| bynhac bieiffo yr he+
| « p 82v | p 83v » |