LlGC Llsgr. Peniarth 37 – tudalen 60r
Llyfr Cyfnerth
60r
TRi dyn a dyly tauodyaỽc y myỽn
llys. Gwreic. Ac alltut aghyfy+
eithus a chryc anyanaỽl.
TRi llydyn digyureith eu gweith+
ret pob un yn| y hydref. ystalỽ+
yn. A tharỽ trefgord. A baed kenuein.
TRi phedwar yssyd; O pedwar
achos yd| ymchoelir braỽt; O of+
yn kedyrn. A chas galon. A charyat
kyueillon. A serch da. Eil pedwar yssyd.
PEdeir taryan a a rỽng dyn a re+
ith gỽlat rac haỽl ledrat. Un yỽ
cadỽ gwesti yn gyureithaỽl nyt am+
gen O pryt gorchyuaerỽy y cadỽ hyt
y bore. A dodi y laỽ drostaỽ teir gweith
y nos honno a hynny tyngu a dyny+
on y ty gantaỽ. Eil yỽ cadỽ kyn coll
nyt amgen tygu ar y trydyd o wyr
| « p 59v | p 60v » |