LlGC Llsgr. Peniarth 38 – tudalen 3r
Llyfr Blegywryd
3r
a amaetho seith mlyned. neu a|bliscyn
ỽy gỽyd. a|chlaỽr eur erni kyflet ac ~
ỽyneb y brenhin. kyn|deỽhet a|r ffiol.
yn|y mod hỽn y telir sarhaet brenhin
y bo eistedua arbenhic y·danaỽ me ̷ ̷+
gys dinefỽr dan vrenhin deheuba ̷ ̷+
rth. neu aberffraỽ dan vrenhin gỽ ̷ ̷+
yned. ony byd eistedua idaỽ ny che+
iff onyt gỽarthec. Breint arglỽyd
dinefỽr yỽ kaffel dros y sarhaet o ỽa ̷ ̷+
rthec gỽynyon clustgochyon a anho
ol yn ol. rỽg aergoel a|llys dinefỽr.
a|tharỽ rỽg pop vgeint mu ohonunt
vn lliỽ ac ỽynt. Ny thelir eur na ̷ ̷+
myn y vrenhin dinefỽr neu y vren+
hin aberffraỽ. O|tri mod y serheir
y vrenhines. pan torrer y|naỽd neu
pan traỽher trỽy lit neu pan tyn ̷+
her peth o|e llaỽ gan treis. Trayan ̷ ̷
gỽerth sarhaet y brenhin a telir y|r ~
vrenhines heb eur a heb aryant ha ̷ ̷+
gen. Penhaf vyd yr etlig gỽedy y
| « p 2v | p 3v » |