LlGC Llsgr. Peniarth 38 – tudalen 3v
Llyfr Blegywryd
3v
brenhin a|r vrenhines. Gỽerth yr etlig
kyffelyb vyd y ỽerth y brenhin eithyr y
trayan yn eisseu G·ỽerth pop vn o|r
etifedyon ereill a berthynont ỽrth y te ̷ ̷+
yrnas; trayan gỽerth y brenhin. ac
velly gỽerth sarhaet pop ohonunt heb
eur a heb aryant. Tri ryỽ dyn yssyd. bre ̷ ̷+
nhin. a|breyr. a|bilein. ac eu haelodeu.
aelodeu brenhin ynt. y rei a|berthynont
y vrenhinyaỽl vreint. kynys pieiffont.
ac ohonunt oll brenhinyolaf yỽ yr etlig.
kanys ef a leheir yn|y lle y gỽrthrychir
teyrnas o·honaỽ. ỽrth gyfeistydyaỽ llys.
Eissoes o|r pan gymeront tir; eu breint
a vyd ỽrth ureint y tir a gynhalyont.
P·eidaỽ ỽeithon a|ỽnaỽn a chyfreith ̷+
eu sỽydogyon llys y brenhin. kanyt oes
na reit nac aruer ohonunt. a dechreu
a|ỽnaỽn o gyfreitheu gỽlat. ac yn gyn+
taf o teir colofyn kyfreith nyt amgen.
Galanas a|e naỽ affeith. Tan a|e naỽ
affeith. lletrat a|e naỽ affeith. Beth
| « p 3r | p 4r » |