LlGC Llsgr. Peniarth 45 – tudalen 207
Brut y Brenhinoedd
207
choelut a wnaeth ar yr yscotyeit ar fychty+
eit y uynnu eu dileu hyt ar un. Ac ual yd o+
ed wedy ymrodi y creulonder. Nachaf esgyb
y truan wlat honno a|e heffeireit a|e athra+
won yn troet noeth. Ac esgyrn y seint ac
a|chrogeu yn gweidiaỽ* trugared arthur
dros y bobyl truan honno. Ac gỽedy adoli
idaỽ ar tal eu glinyeu dros atlibin y bobyl
uonhedic honno. Ac adolỽyn idaỽ gadu ud+
unt y rann uechan oed gantunt o|r ynys
y arwein tragywydaỽl geithiwet adanaỽ
a rodi a oruc ynteu y hadolỽyn yr gwyr+
da seint hynny. ~ ~ ~ ~ ~ ~ ~
AC gwedy daruot hynny. Sef a|wnaeth
hywel uab emyr llydaỽ Edrych ansaỽd
y llyn. A ryuedu y saỽl auoned a|deui* yr llyn
ac na redei ohonaỽ namyn un. Ar saỽl y+
nyssed. Ar saỽl gerric. Ar nythot eryrot.
Heb arthur ỽrthaỽ mae llyn arall yn|y wlat
honno yssyd anryuedach. Sef ansaỽd y|m+
ae. ugein troetued oed yn|y hyt. Ac ugein
yn|y let. A phump yn|y defnet a|hynny yn
pedrogyl. A phedeir kenedyl o pysgaỽt y+
n|y pedeir cogyl. Ac ny cheffit byth yr un o+
honunt yn rann y gilyd. Namyn pob rei y+
| « p 206 | p 208 » |