LlGC Llsgr. Peniarth 45 – tudalen 92
Brut y Brenhinoedd
92
edewidyon a chaffel yr hyn yd oed yn|y ge+
issaỽ. ymchoelut a oruc ynys. prydein. A|e neges+
seu gantaỽ trỽy kedernyt llythyreu ago+
ret ac insseileu sened ruuein. vrthunt. Ac
gỽedy dyuot. ynys. prydein. kynnullaỽ amylder o
longeu a|wnaeth. A galỽ attaỽ ieuegtit
ynys. prydein. A gỽneuthur kynhỽrỽf maỽr yn|y holl
teruyneu. Ac ygyt a|hynny dỽyn kyrcheu
mynych yr ynyssed yn|y gylch. A|e hanreith+
aỽ a|e llosgi. A thra ydoed yuelly paỽb o|r
cribdeilwyr ereill a|kyrchei attaỽ y ỽrhau
idaỽ. Ac ar uyr amser kymeint oed y
niuer ac nyt oed haỽd caffel un tywys+
saỽc y ymerbyn ac ef. Ac ỽrth hynny sef
a oruc Caraỽn ymdyrchauel yn syberwyt
ac anuon at y bryttanneit y uenegi udunt
pei gỽnelynt ef yn urenin. gỽedy darffei
idaỽ ef gwasgaru gwyr ruuein. Ac eu llad y
differei ef hỽyntỽy rac estraỽn genedyl
ac gỽedy cael o·honaỽ y duundab. ymlad a
wnaeth a|basianus . Ac gỽedy
y lad kymryt llywodraeth y teyrnas yn|y
laỽ e|hun Canys y fichtyeit ar dugassei sul+
yen gantaỽ ar wnathoed idaỽ urat Basi+
anus Ewythyr uraỽt y uam oed sulyen y
basianus.
| « p 91 | p 93 » |