LlGC Llsgr. Peniarth 46 – tudalen 131
Brut y Brenhinoedd
131
y|gelỽir y|nant hỽnnỽ nant y keilaỽc yg
kymraec. ac yn saesnec gallobrỽc. a|gỽe+
dy goruot ar ỽyr rufein. a|e llad. y|kymerth
asclepiodotus coron y|teyrnas trỽy gannyat
gỽyr ynys. prydein. a|thraethu y kyuoeth a|ỽnaeth
trỽy gyuyaỽnder yn yspeit deg mlyned.
a|gỽahard a|oruc ef cribdeil y|treissỽyr. a
phylu cledyfeu y|lladron trỽy hynny o
amser. ac yna y|kyuodes creulonder. Dio+
clicianus amheraỽdyr rufein. trỽy yr hỽnn y|dileỽyt
cristonogaeth. ynys. prydein. yr honn a|gynhalys ̷+
sit yn gyuan yr yn oes lles uab coel y bren+
hin kyntaf a|gymerassei gret a|bedyd.
yndi. kanys maxen tyỽyssaỽc ymladeu
yr amheraỽdyr creulaỽn hỽnnỽ. a dotho+
ed y|r ynys honn a|llu maỽr gantaỽ. ac
o arch yr amheraỽdyr y|diuaỽyt yr eglỽys+
seu. ac a|gaffat o|lyureu yr ysgruthur
lan. y|lloscet. ac y|merthyrỽyt yr offeir+
eit. a|r yscolheigyon. a|r cristonogyonn
fydlaỽn oed dan ỽed mab duỽ ual y|kerd ̷+
| « p 130 | p 132 » |