LlGC Llsgr. Peniarth 46 – tudalen 257
Brut y Brenhinoedd
257
porthaỽr bot y|iarll yn dyuot. agori y|pyrth
a|ỽnaeth ef a|e gollỽg y|myỽn. Canyt oed
neb o|r|a|e gỽelei a|ỽypei na bei yr iarll uei.
a|r nos honno eissoes kyscu a|ỽnaeth y|bren+
hin gann eigyr. canys y|ffalst drych a|dyỽy+
llassei y|ỽreic. a|r geireu tỽyllodrus a|dyỽedei
ynteu. canys dyỽedut a|ỽnaethoed wrthi y
dyuot yn lledrat o|r castell. cany allei yr dim
bot hep y|gỽelet rac meint y carei hi. ac
y|ỽybot pa anssaỽd a|uei arnei. ac ar y|ca ̷ ̷+
stell. a|chredu a|ỽnaeth hitheu y hynny. a
gỽneuthur y uynnu ef. a|r nos honno y
cauas hi ueichogi. ac o|r beichogi hỽnnỽ y
ganet arthur. y|gỽr ardyrchockaf a|uu o|e
genedyl ỽedy hynny megys y|dangossant
y|ỽeithredoed. a gỽedy gỽybot nat ydoed y
brenhin ymplith y|llu ymlad a|ỽnaeth a ̷ ̷
ỽnaethant a|r|muroed. a chymell y iarll a ̷ ̷+
allann y|rodi cat. ar|uaes udunt. ac y|gỽn+
aeth y|iarll yn agkyghorus. mynet a by ̷+
chydic o niuer y|tebygu gallu rodi cat ar
uaes y|holl lu y|brenhin. ac ual yd oedynt
| « p 256 | p 258 » |