LlGC Llsgr. Peniarth 46 – tudalen 69
Brut y Brenhinoedd
69
phan doeth y chuedyl ar ueli. kynullaỽ
a wnaeth enteu yeuengtit a deỽred en ̷+
ys prydein yn|y erbyn ef. a phan wel ̷+
es. tonwen. mam y gueissyon y byd+
inoed yn baraỽt. ac yn chuannaỽc y
ymgyuaruot bryssyaỽ a oruc hithev
trỽy ergrynedic gammeu. hyt y lle
yd oed uran y|mab. a|oed damunedic
ganthei y welet. a noethi y dỽy uron
trỽy dagreu. ac ygyon. ac erchi ydaỽ
coffau panyỽ yn|y challon y creỽyt. yn
dyn o|beth nyt oed dim. ac erchi y|ỽ
charedic uab coffau y poen a|r gouut
a gaỽssei yn|y ymdỽyn. naỽ mis yn|y
challon. a chan hynny erchi ydaỽ
madeu y|ỽ uraỽt y llit a|r bar oed gan+
thaỽ ỽrthaỽ. cany wnathoed ef defnyd
bar ydaỽ ef. canyt beli yr diholyassei
ef o enys prydein. namyn y gamwed
a|e aghymhenaỽd e|hun. pan duc ur ̷+
enhyn llychlyn am pen y uraỽt y
geissyaỽ y digyuoethi. ac ar hynny sef
a|wnaeth bran hedychu ac uuydhau
o|e uam. a bỽrỽ y arueu a dyuot hyt
| « p 68 | p 70 » |