Breudwd Rhyddiaith Gymraeg 1300-1425
English

Llsgr. Amwythig 11 – tudalen 74

Ysbryd Gwidw

74

ỽn barn tragẏỽẏdaỽl nẏ ỽela dim o|r po+
ene hẏnnẏ Ac beis gỽelỽn mỽẏ ẏm po+
ẏne no holl poẏne ẏ tan pur. Prior. pẏ
le ẏd ỽẏt i. Gwidw. ẏn|ẏ tan pur. Prior. vellẏ
llẏma ẏ tan pur. Gwidw. deudẏblic yỽ tan
pur kẏffredin ac vnic. Prior. nẏ dẏchon
ẏsprẏt vot ẏn llaỽer o leoed ar vn we+
ith. Gwidw. ẏn|ẏ purdan ẏd ỽẏf i ẏ nos ẏma
ẏ dẏd. Prior. pẏ le ẏ mae ẏ tan pur kẏf+
fredin. Gwidw. ẏg|kẏnaỽl ẏ daẏar Prior nẏ
dẏchon deu le mal purdan kẏffredin
a|r dayar vot ẏ·gẏt ar vnỽeith os deu+
dẏblẏc ẏ lle megys ẏsprẏdaỽl a chorf+
foraỽl. Gwidw. ẏr eneit ẏssẏd ẏgkẏt a|r corf
ẏn hollaỽl ac vellẏ ẏ maent ỽẏnteu
ẏ·gẏt. Prior. pẏ beth gỽaẏthaf a ỽna ẏ
dẏn ẏn aỽr agheu. Gwidw. kẏuaruot kẏth+
reuleit ẏn ofnedic delỽeu a llosced
tan a garmeu aruthẏr ac ẏmgẏfed+
liỽ am bechodeu dan geissaỽ ẏmadaỽ