Llsgr. Amwythig 11 – tudalen 8
Gwasanaeth Mair
8
G Llith o veir abriel aghel a anuonet ẏn gannat
ẏ gan duỽ ẏ dinas o alelẏa yr hỽnn
a|elwit nazareth at wẏrẏ a oed briaỽt
ẏ ỽr ẏr hỽn a oed ẏ enỽ ioseph o lỽẏth
dauẏd Ac enỽ ẏ uorỽẏn oed ueir a ph+
an doeth ẏr aghel ẏ mẏỽn attei ẏ dẏw+
aỽt hanpẏch gweỻ ueir gyflaỽn o|rat
duỽ gẏt a thi bendigeit ỽẏt ẏg|kẏfrỽg
ẏ gỽraged A phan glẏbu veir hẏnnẏ
kẏnhyruu a oruc gan ẏmadraỽd ẏr
aghel a medẏlẏaỽ pẏ ryỽ annerch oed
honno Titheu arglỽẏd trugarhaa ỽr+
thẏm Diolchỽn ẏ duỽ Atteb Diuagyl a
santeid vorỽẏndaỽt nẏ|s|cỽn o bẏ volẏantieu ẏ
gallafi dẏ ganmaỽl di canẏs ti a|arwedeist yn
dẏ arfet ẏ neb nẏ allei ẏ* holl vẏdoed ẏ amgẏ+
ffret a|bendigeit ỽẏt ẏrỽg ẏ gỽraged a bendi+
geit ẏỽ ffrỽẏth dẏ groth ti iessu amen Canys
ti a|arwedeist. Arglỽẏd kanhatta ẏn bendigaỽ
Santes vammaeth iessu ẏn|ri a|uo kanhorthwywra+
ig yni
| « p 7 | digital image | p 9 » |