Caergrawnt, Llsgr. Coleg y Drindod O.7.1 – tudalen 36r
Llyfr Blegywryd
36r
renhir naỽuetdyd racuyr ac na chaffo
barn o uyỽn y gayaf; cayedic uyd
y gỽanhỽyn yn|y erbyn. Nyt reit
arhos naỽuetdyd am teruynu tir
namyn pan uynho y brenhin ar
gỽyrda teruynadỽy uyd. Ac ny
dylyhir arhos naỽuetdyd rỽg dy ̷+
lyedaỽc ac andylyedaỽc a gynhalyo
tir yn|y erbyn. kyt dangosso dylyedaỽc
y dylyet o pleit y ryeni. trỽy ach
ac eduryt. Teir etiuedyaeth kyf+
reithaỽl yssyd. ac a trigyant yn di ̷+
lys yr etiuedyon. Vn yỽ etiuedy+
aeth a gaffer o amot
kyfreithaỽl y gan y perchenhaỽc
yr gỽerth. Eil yỽ etiuedyaeth trỽy
dylyet o pleit rieni. Trydyd yỽ. eti ̷+
uedyaeth a gaffer o amot kyfreith+
aỽl o uod y perchenhaỽc a heb werth.
Or gỽneir eglỽys o ganhat y brenhin
y myỽn tayaỽctref. ac offeirat yn
offerennu yndi ae bot yn gorfflan hi.
ryd uyd y tref honno o hynny allan.
Y neb a holo tir eglỽyssic; nyt reit idaỽ
| « p 35v | p 36v » |