Caergrawnt, Llsgr. Coleg y Drindod O.7.1 – tudalen 48r
Llyfr Blegywryd
48r
petwar gỽyr ar|hugeint. Pỽy bynhac
a uynho lliwaỽ lledrat yn gyfreith ̷+
aỽl; dywedet welet y dyn or pan uo
goleu y dyd hyt pan uo kyflỽchỽr. ar
lletrat gantaỽ. A thyghet vch pen
reith. hyt nas dywaỽt nac o gas.
nac o digassed. nac yr gỽerth nac yr
gobyr. namyn yr dangos gỽiryoned.
yn|y mod hỽn y byd lliỽ kyfreithaỽl
ony byd gỽrth·tỽg neu lyssyant. Gỽrth ̷+
tỽg a uyd trỽy tỽg deu ỽr. llyssyant
a uyd or fford y llyssir tyston. Un ̷+
werth uyd cassec tom a buch. Dros
loscỽrn pob vn ae lygat ae glust.
pedeir keinhaỽc kyfreith a tal pob
vn. Cassec re gỽedy yd el ystalỽyn
erni; wheugeint a tal. Y neb a wer ̷+
tho march. bit dros y dilysrỽyd
hyt uarỽ. rac y dery; tri gỽlith.
rac yr yskeueint; teir lloer. rac
llyn meirch blỽydyn. ac yn ach* ̷+
nec. bit dan glefyt oe myỽn. Tei ̷+
thi march. neu gassec yỽ yuet
dỽfyr. a phori gỽellt. a rodi eskyn
| « p 47v | p 48v » |