LlB Llsgr. Ychwanegol 14,912 – tudalen 22v
Meddyginiaethau
22v
a deint ẏ ỻeỽ a|r danhogen a gỽin coch
ac y hẏssigaỽ y ỻysseu ẏ·gẏt mẏỽn
morter yn da a|y kymyscu ẏ·gẏt ar y
tan ac ym·ronn y dynnu dodi gỽer ei+
don yndaw a halen ac oddẏna
dodi y plastyr hỽnnỽ ỽrth ẏ penn gỽedy
darfo ẏ eiỻaỽ a hẏnnẏ ar vrethyn trỽ
Sef a wna hỽnnỽ tarddu cornỽydon
drỽydho a signo ẏ gỽenỽyn y rines
a|e|ddiddoluryaỽ ynteu ~ ~ ~ ~ ~ ~ ~ ~ ~
Ny bẏd gỽenỽinic brath a·dẏr·cop
namyn o ỽyl veir ẏ medi hyt ỽyl
veir ẏn aỽst ac ẏna kẏmryt kykon
ac eu briỽaỽ ˄ a hynny cedibert ynt.
Tri ryỽ dofred yssyd sychuowed a
ỻyd a ỻosceu a sych y gỽare+
dir. Maen c l mal hẏnn y|gỽ+
aredir ỻe diotter. kymryt fonn a|e
| « p 22r | p 23r » |