LlB Llsgr. Cotton Cleopatra A XIV – tudalen 78r
Llyfr Cyfnerth
78r
kyn pen y seith mlyned talet y heguedi
idi. Os merch breyr uyd teir punt uyd y
heguedi. Punt a hanher yn| y chowyll. whe ̷+
ugeint yn| y gobyr. Or byd merch tayaỽc.
Punt a hanher yn| y heguedi. wheugeint yn| y
chowyll. Pedeir ar| hugeint yn| y gobyr.
OS guedy y seith mlyned y| gat bit ran deu
hanher y·rydunt. onyt breint a|dyry ragor
yr gỽr. deu parth y plant a| daỽ yr gỽr nyt
amgen yr hynaf ar| ieuhaf. Ar trayan yn
ran y uam a| daỽ. Os agheu ae guahana. deu
hanher uyd pop peth y·rydunt. Sarhaet
gureic ỽryaỽc herwyd breint y| gỽr y telir
idi. Pan lather gỽr gureigaỽc. y sarhaet a
telir yn| gyntaf ac odyna y alanas. Trayan
y sarhaet hagen a| geiff y wreic. Gureic
gỽr ryd a| dichaỽn rodi y chrys. ae mantell.
ae phenlliein. Ae heskityeu. Ae blaỽt. ae
chaỽs. ae hemenyn. ae llaeth. heb ganhat
y gỽr. Ae benffygyaỽ y holl dohotrefyn a| di+
chaỽn. Ny dyry gureic tayaỽc heb ganhat
| « p 77v | p 78v » |