LlB Llsgr. Cotton Cleopatra B V rhan ii – tudalen 188r
Llyfr Cyfnerth
188r
vynt tynghỽ o bawb y|teruyn. Ac odyna
ranent yn deu hanner y·rwng y|dwy tref.
kyteruyno tref ar y|llall. ny dyly dwyn
randir y|wrthi. Haner pỽnt a|daw yr brenhin
ban teruyner tir. A|phedeir ar|hỽgeint yr
brawdwr. Llys bieỽ teruynỽ o|bleid y|bren+
hin ar bawb. Ac ny|theruyna ar lys y|bren+
BAn dycco kyfureith [ hin nep.
tir y|nep. haner pỽnt a|geiff y|brenhin
o|bop randir pan y|hystynno. E|nep a|holo yn
nawuettid racỽyr brawd a|geiff ohonaw
kyn nawuettyd mei. Ac ony|cheiff yna vra+
wd holed yn nawuettyd mei. Ac odyna eg+
ored vyd gwir idaw beunyd ban vynho
TRi dadanhỽd tir [ y|brenhin.
ysyd. Carr. A beich. Ac eredic. Ac os dad+
anhỽd carr a|uernir idaw. Pymb nieu a
phymb nos. Gorfowys a|geiff yn didawl.
Os dadanhỽd beich a|uernir idaw tri dieỽ
a|their|nos. Gorfowys a|geiff yn didawl. Os
| « p 187v | p 188v » |