LlB Llsgr. Cotton Titus D IX – tudalen 66v
Llyfr Blegywryd
66v
rỽg teir grad kennedyl. yn|gyntaf rỽg bro+
dyr. Eil weith rỽg keuenderỽ. Trydeweith
rỽg kyuerderỽ. Odyna nyt oes briaỽt
rann ar|tir. NY|dyly neb gouyn attrann
onnyt y|neb ny chauas rann deỽis. Odyna
y|diaereb yssyd; nyt oes warthal gan deỽis.
NY cheiff neb tir y|gyt etiued megys y|vr+
aỽt. neu y|geuenderỽ. neu y|gyuerderỽ. gan
y|ovyn trỽy yr vn kyt etiued hỽnnỽ a|vei
varỽ heb etiued idaỽ o|gorff. namyn gan|y
ovyn trỽy vn o|e reeni ef a|uu perchenn
y|r tir hỽnnỽ hyt varỽ. heb etiued i ae|tat
ae|hentat. ae|orhentat. y|tir hỽnnỽ a|geiff
ef. os ef nessaf car id y|r marỽ. Gỽedy ran+
ho brodyr tref eu tat yrydynnt. o|r byd
marỽ vn ohonunt heb etiued o|e gorff.
neu y|gyt etiued hyt geifuyn; y|brenhin
a|vyd etiued o|r|tir hỽnnỽ. MEgys y|mae
braỽt yn etiued dylyedaỽc o|tref y|tat.
Velly y|mae y|whaer yn etiued dylyedaỽc
o|e gỽadaỽl trỽy yr hỽnn y caffei hi ỽr
priawt dylyedawc o|tir. nyt amgen
y|gann y|that. neu y|gann y|chyttetiu+
edyonn. or tric wrth gyghor yr re+
eni. a|e chyttetiuedyonn. Onny byd
y berchennaỽc tir etiued arall arall*
| « p 66r | p 67r » |