Llsgr. Caerdydd 1.362 (Hafod 1) – tudalen 20v
Brut y Brenhinoedd
20v
ỽysc. Ac yno y bu y trydyd archescobty ynys prydein.
gỽedy hynny. A gỽedy dyuot gỽyr rufein yr y+
nys hon. y gelwit kaer llion. ar ỽysc. A beli a
wnaeth y porth yn llundein enryued y weith. Ac
o|e enỽ ef etỽa y gelwir ef porth beli. y danaỽ ef
y mae discynua y llogeu. Ac yn|y oes ef y bu am+
hylder o eur ac aryant. megys na bu y gyffe+
lyb yn yr oessoed gỽedy ef. A phan doeth y di+
wed a|e uarỽ. y lloscet y escyrn yn lludỽ. Ac y
dodet y myỽn llestyr eur ym pen y tỽr a wna+
thoed e|hun yn llundein.
A Gỽedy marỽ beli; y doeth Gỽrgan varyftv+
rch y vab ynteu yn vrenhin. Gỽr a eue+
lychỽys gỽeithredoed y tat trỽ* tagnefyd a i*+
ỽnder. A chynhal y|teyrnas rac estraỽn gened+
yl yn prud. A chan kymell y elynyon yn dyly+
edus y darestỽg idaỽ. Ac ym plith y weithredo+
ed y damweinwys nakau o vrenhin denmarc
y teyrnget a talyssei y tat. Ac a|dalyei ynteu
y talu idaỽ. A cheweiraỽ llyges a oruc gỽrgan
a mynet hyt yn degmarc. A gỽedy creulaỽn
ymlad a llad y brenhin y kymellỽys y bobyl
y wedaỽl darystygedigaeth idaỽ. ar teyrnget
val kynt y ynys prydein. A phan yttoed yn
dyuot parath* ac ynyssed orc tracheuyn. na+
chaf yn kyuaruot ac ỽynt dec llog llog* ar
hugeint yn llaỽn o wyr a gỽraged. A gỽedy go+
uyn udunt o py le pan hanoedynt. A phy le
yd eynt. y kyuodes eu tywyssaỽc ac adoli y
| « p 20r | p 21r » |