Llsgr. Caerdydd 1.362 (Hafod 1) – tudalen 47r
Brut y Brenhinoedd
47r
drỽc pei gallei; Ac yn|y wed hon y dechreuis yr
ymadraỽd. O tidi vonediccaf o|r brenhined yg walt*
Saxonia yn ganet ni. vn yỽ honno o wladoed ger*
germania. Achaỽs an dyuodegigyaeth* ninheu
yỽ; y rodi an gỽassanaeth itti neu y tywyssaỽc
arall a wnel da yn; Ac nyd oes achaỽs y an gỽr+
thlad oc an gỽlat namyn a|dywedỽn ni ytti he+
uyt; Gỽlat vechan gyuyg yỽ yn gỽlat ni. A phan
amlaont y pobyl yno mal nac eignont yno.
Sef yỽ eu keneuaỽt. kynnullaỽ holl wyr ieueinc
wlat ger bron eu tywyssogyon. A bỽrỽ prenneu y ry+
dunt; A megys y del y coelbren udunt yd etholir.
Ac yd ellyghir y wladoed ereill y myỽn llogheu
megys y gỽely ti y geissaỽ gossymdeith. A ninheu
y deu vroder a wely ti yn tywyssogyon arnadunt
kanys o lin brenhined yd henyd. Sef yỽ vy enỽ. i.
hengyst. Ac enỽ vy mraỽt hors. Ac uelly doeth+
am hyt dy vrenhinyaeth titheu yn yd oed mercuri+
us an duỽ ni yn an tywyssaỽ. A phan gigleu y
brenhin kyrbỽyll mercurius drychauel y ỽyneb
a oruc. A gouyn py ryỽ cred y ssyd genhỽchi.
Ac yna y dywaỽt hengyst yscymun; Arglỽyd
heb ef an tatdolyon dỽyeu a enrydedỽn nyt am+
gen. Saturnus. a Jubiter. Ar dỽyeu ereill ys+
syd yn llywyaỽ y byt. Ac eissoes yn penhaf
yd anrydedỽn i mercurius; yr hỽn a alwn ni
yn an eith* ni wogen; Ac y hỽnnỽ y partỽys* an
rieni ni y pedywred dyd o|r ỽythnos. Ac alỽn
ninheu o|e enỽ ef wogenes day. A hỽnnỽ a elwir
| « p 46v | p 47v » |