Llsgr. Caerdydd 1.363 (Hafod 2) – tudalen 183r
Brut y Brenhinoedd
183r
fvryaỽ keyssyaỽ angheỽ o|y gylyd. A|hyt
tra ed oedynt en ymlad en wychyr e velly
llyma er rỽueynwyr en wychyr en ymwel+
lav ac yn dwyn rỽthyr y wyr llydaỽ ac en kan+
wrthwyaỽ ev hameraỽder. ac en kymhell ho+
wel a Gwalchmey ac eỽ torvoed kan ev llad hyt
pan kyvarfvant ac arthvr a|e vydyn. kanys pan
kygleỽ ef er aerỽa ed oedyt en|e rody o|y wyr ef.
entev oed en dyvot ar lleng a oed y gyt ac ef. ac
en kyrchv y elynyon. Ac gwedy tynnv kaletw+
ulch e cledyf goreỽ en wuchel e dywaỽt ef val hy+
nn en annoc y kytỽarchogyon. A wyrda peth a
wnevch chwy val hynn. pa achavs e gedvch ch+
wy e gwreygolyon wyr hynn y ỽynet en yach
val hynn. nac aet vn en vyw onadvnt nac aet ko+
ffeỽch ech deheỽoed. er rey en kyfrwys en saỽl
ymladeỽ kyn no hynn a darystynghassant dec
teyrnas ar rỽgeynt wrth vy medyant y. koffe+
ỽch ech hentadeỽ er rey pan oedynt kadarnach
gwyr rỽueyn no hedyw a|e gwnaethant en tret+
haỽl ỽdỽnt. koffevch ech rydyt er honn e mae
er hanner gwyr hynn en chwenhychỽ y dwyn
| « p 182v | p 183v » |