LlB Llsgr. Harley 4353 – tudalen 46v
Llyfr Cyfnerth
46v
TRi hỽrd ny diwygir. vn yỽ gofyn iaỽn or
dyn y elyn am y gar yn tri dadleu ac na
chaffei iaỽn. A chyfaruot y elyn ac ef gỽedy
hynny. A gỽan hỽrd yndaỽ a gỽayỽ hyny vo
marỽ. ny diwygir yr hỽrd hỽnnỽ. Eil yỽ gỽ+
neuthur eidiged o wreic ỽryaỽc ỽrth wreic
arall am y| gỽr. A chyfaruot y dỽy wraged y
gyt. A gỽan hỽrd o|r wreic ỽryaỽc a|e dỽy laỽ
yn| y llall hyny vo marỽ. ny dywygir idi.
Trydyd yỽ rodi morỽyn aeduet y ỽr a
mach ar y morỽyndaỽt. A gỽan hỽrd o|r gỽr
yndi a bonllost. a|e hymrein vn weith. A|e
chaffel yn wreic. ynteu a| dyly galỽ y neith+
aỽrwyr attaỽ. Ac enynnu canhỽylleu a ll ̷+
ad y| chrys tu rocdi yn gyfuch a| gỽarr y| ch+
ont. Ac o|r tu draechefyn yn gyfuch a| thal
y phedrein. A|e gollỽg ar hỽrd hỽnnỽ yn+
di heb y difỽyn idi. A hynny yỽ kyfreith
tỽyll·vorỽyn. Tri dyn ny dylyir eu gỽer ̷+
thu o gyfreith. lleidyr kyfadef am bo gỽe+
rth pedeir keinhaỽc kyfreith yn| y laỽ. A ch+
ynllỽynỽr. A bradỽr arglỽyd. Tri da dilis
diuach yssyd. da a| rotho arglỽyd y ỽr ac a del
idaỽ ynteu gan gyfreith. A da a gaffo gỽre ̷+
ic gan y| gỽr pan gyttyo ynteu a| gỽreic
| « p 46r |